මේ වහින්නෙ ප්‍රේමයේ නිවහල් වැස්ස

ගිණිපුපුරු නළියන

ලෝකයම ගිණි ගොඩක්

බොරු හිනාවක් පෙන්නන මිනිසුන්ට

දැණුනෙ හරි හිස්කමක්

මට එරෙහි ලෝකය

කාමරේ දොරගුළු තෙරපන හඬ ඇසෙන

මගේ සවනත කම්මලක් !

මම මැරෙයි, "සමහරවිට!"

ඔන්න එතකොටම

සට සට ගගා වැහිබිඳු පතිත වෙන

වහල

දැන් නම් හරිම සැනසුමක්

ගිණි නිවෙයි දැන්

වැහි වහීවි මුරුගසන් !

වහින්න !

මතක උපද්දන සුරතාන්ත වැස්ස

යළි යළිත් ඇවිලෙන්නම්

නිවන්න මගේ ගින්දර !

ආසයි මම ඇවිලෙන්න

මගේ ලෝකයේ නිහැඬියාවෙන් ඇලෙන්න

ප්‍රේමයේ නිවහල් වැස්සෙන් තෙමෙන්න

ඔව්..

මේ වහින්නෙ,

ප්‍රේමයේ නිවහල් වැස්ස !!!

🖌 රැහැන් මාරා | සිත්තම් මායා