එතැනම හිඳිමි !

නුඹ එනවා බලා සිටියෙමි

හිතවත් වෙනවා දුටුවෙමි

නික්මෙන්නට පෙර

ඇයි දැයි ඇසුවෙමි

පිළිතුරක් නොලද්දෙමි

නිරුද්ධව බලා නොබලා සිටියෙමි

නුඹෙන් සිත අහකට

ගන්නට බැරි විණි

නුඹ හොඳින් දැයි

අසන්නටත් සිතුණි

මුණිවත රැකුණි

කාලය ගත වුණි

මා එතැනම හිඳිමි

සීත සෘතුවට පසුවත්

දිනක් ඇති බව දැනගත්තෙමි

ඉතිං මම නුඹ අමතමි

පමා නෑ නුඹ ආයෙම එන්න !

සහෘදයින් හා යළි මහා පොළව

හරිත ගන්වන්න !

අනූ පෙරේරා | සිත්තම් මායා